Re Interlingua
Interlingua es le Lingua International.
Illo esseva publicate in 1951 e es le resultato de un cooperation extensive inter dozenas de linguistas de Europa e le Statos Unite. Le vocabulario de interlingua es derivate de parolas international que es basate a latino e greco. Iste parolas es commun in italiano, francese, espaniol, portugese e anglese con germano e russo como linguas de referentia secundari. Le grammatica de interlingua es simple e le pronunciation es como in le linguas continental de Europa.
Interlingua Es...
Practic. Interlingua es comprenite per milliones "a prime vista ". Parlatores de linguas romanic comprende interlingua immediatemente e sin effortio.
Facile. Le grammatica de interlingua es uniforme e le regulas de pronunciation es simple. In interlingua existe nulle listas longe con exceptiones e irregularitates.
Instructive. A causa de su focus al International Core Vocabulary (ICV), interlingua forma un base ideal pro le studio de altere linguas.
Natural. Interlingua manca structuras artificial o inventate. Cata elemento es basate al minus a tres linguas de origine europee.
Scientific. Interlingua es le resultato de un processo systematic de extraction del vocabulario international – del linguas europee.
"Latino moderne". Le plus frequente parolas international es de origine latin o grec. In interlingua iste parolas international ha fundate un forma standardisate. Le resultato es un forma de “latino moderne” que es international, facile e functional.
Neutral. Interlingua non es le proprietate de alcun singule cultura o nation. Dunque nulle parlator ha alcun favor injuste. Ergo interlingua termina discriminationes linguistic.
Pro trovar plus, clicca ci.