Que es Interlingua?
Interlingua esseva publicate in 1951 per International
Auxiliary Language Association, anque cognoscite como IALA.
Illo es le plus usate lingua auxiliar naturalistic.
Interlingua es insolite in esser comprendite immediatemente
per parlatores de italiano, espaniol e portugese. Il se
tracta de plus que 800 milliones gente. Isto es le ration
proque interlingua es usate como un introduction a iste
linguas natural.
Le fortias major de scientia, technologia, commercio,
diplomatia e le artes in combination con le dominantia
historic del linguas grec e latin ha resultate in un
grande, commun vocabulario in le linguas occidental.
Interlingua usa un procedura objective pro extraher e
standardisar le plus frequente parolas a un concepto
retrovabile in le linguas de controlo. Iste linguas es
anglese, francese, italiano, espaniol e portugese con
germano e russo como referentias secundari. Parolas de
qualcunque lingua es eligibile pro inclusion si illos es
presente in al minus tres del linguas de controlo.
Interlingua combina iste pre-existente vocabulario con un
grammatica minimal que es extrahite del linguas de
controlo.
Le comprehension immediate de interlingua de parlatores de
linguas romanic face lo multo simple a apprender. Le simple
grammatica e le formation de parolas regular multo facilita
pro parlatores de altere linguas a apprender interlingua
que un lingua natural. Parolas in interlingua retene lor
forma natural. Illos nuquam es distorquite pro adaptar se a
un pre-existente grammatica o altere regulas. Cata parola
retene su orthographia, pronunciation e senso.
Post le apprehension interlingua pote esser usate pro
apprehender altere linguas similar rapidemente e
facilemente o anque a comprender los immediatemente.
Recerca inter studentes in Svedia ha demonstrate que illes
post apprension de interlingua poteva traducer simple
textos in espaniol, italiano o portugese. Un exemplo
demonstrava que un interlinga classe ha traducite un texto
in espaniol que un classe que ha studiate espaniol in 150
horas trova troppo difficile a facer.
In Alto e a Basso
Un application practic de interlingua esseva le newsletter
scientific
Spectroscopia Molecular, publicate de
1952 a 1980. In 1954 interlingua esseva usate in le 2nd
World Cardiological Congress in Washington DC pro summarios
imprimite e interpretation oral. Intra pauc annos un usage
similar esseva a novem congressos medical. Inter le
medie1950s e le final 1970s, circa trenta scientific e
medical journales provideva summarios de articulos in
interlingua. Science Service, le publicator de Science
Newsletter in iste tempores publicava un columna mensual in
interlingua de le annos 1950 a 1970. In 1967 le potente
International Organization for Standardization (ISO) votava
quasi unanimemente pro adoptar interlingua como le base pro
su dictionarios.
IALA claudeva su portas in 1953 ma non esseva dissolvite
compltemente usque a circa 1956. Un organisation
successori,
Interlingua Institute, esseva fundate
in 1970 pro promover interlingua in SUA e Canada. Le nove
instituto supportava le labor per altere organisationes
linguistic, faceva considerabile contributions academic e
produceva interlingua summarios pro academic e medical
publicationes. Un del plus grande complimentos esseva le
creation de duo grande volumines de phytopathologia in 1976
e 1977. Illos esseva producite per American
Phytopathological Society in cooperation con U.S.
Department of Agriculture.
Interlingua habeva attrahite plure previe adherentes de
altere linguistic projects international p. ex. Occidental
e Ido. Le previe occidentalist, Ric Berger, fundava Union
Mundial pro Interlingua (UMI) in 1955 e al fin de 1950s le
interesse in interlingua in Europa habeva jam comenciate
surpasser le un in America nord.
Obras in interlingua esseva publicate per pressas de
universitates in Svedia e Italia e in le 1960s e in le
1990s in Brasil e Suissa. Plure scholas in Scandinavia
initiava projectos que ha usate interlingua como
instrumento pro inseniar vocabularios basic e scientific
international.
In 2000 Interlingua Institute esseva dissolvite post
disputes financial con UMI. Le American Interlingua Society
establite le anno sequente succedeva le instituto e
respondeva a nove interesses que emergeva in Mexico. Postea
Interlingua Education Institute sequeva.
Le Bloco Sovietic
Interlingua esseva parlate e promovite in le Union Sovietic
in despecto de essayos a supprimer le lingua. In Germania
est le administration governamental confiscava letteras e
revistas que UMI ha inviate a interlinguistas ibi. In
Czechoslovakia Július Tomin recipeva letteras de menacia
post su prime articulo in interlingua esseva publicate. In
despecto del persecution continuante ille progredeva pro
devenir le Czech Interlingua representante, inseniar
interlingua in le schola e esser autor de un longe serie de
articulos e libros publicate.
Interlingua Hodie
Hodie le interesse in interlingua ha expandite de un
communitate scientific al publico general. Individuos,
governmentos e companias private usa interlingua pro
erudition e instruction, viages, publication directe e
communication trans barrieras linguistic. Interlingua es
promovite internationalmente per Interlingua Education
Institute e Union Mundial pro Interlingua (UMI).
Le numero de parlatores de interlingua ha augmentate
incessantemente durante le semiseculo passate. Como
previemente notate interlingua es le plus usate lingua
auxiliar naturalistic. Le plus grande avantage de
interlingua es que illo es le plus generalmente comprendite
International Auxiliary Language (IAL) per le virtute de su
grammatica e vocabulario naturalistic. Illo permitte totes
qui cognosce un poco del linguas romanic parlatores ben
educate in anglese a leger e comprender lo sin previe
studios.
Interlingua ha parlatores active in tote continentes e
particularmente in Americas sud e Europa est e nord.
Notabilemente in Scandinavia, Russia e Ukraina.
In Africa interlingua ha un representation official in
Republic of Congo. Il ha plure paginas de web e editiones
de Wikipedia e Wiktionary. Il ha anque alcun revistas del
societates national. Il ha plure active mailing lists e
interlingua es anque usate in alcun Usenet newsgroups,
particularmente in Europa. Interlingua ha anque essite
presentate in radio e television e a CDs. In annos recente
examples de interlingua ha anque essite exponite in musica,
manga e anime.
Interlingua es inseniate in plure scolas de grado alte e in
universitates – a vices como un methodo a inseniar altere
linguas rapidemente per introducer le International Core
Vocabulary (ICV). Le prestigiose Universitate de Granada in
Espania, per exemplo, offere un curso in interlingua in
collaboration con le Centro de Formación Continua.